Ili a napnuan dayag
Nasaklot turturod ken banbantay
Natalna, naulimek a pagtaengan;
Ket ragsak pay ti inkam masangbayan;
Ili a pagray-oan ti amin
Addaan saguday pagpannak-kelmi;
Namnuan sudi kenka isagutmi.
Asi ti namarsua di-agressat,
Ayatna inna impadoyakyak,
Tulong met ni San Isidro a patronmi
Pammati iti Dios a nagkaykaysa kami;
Sidadaan kam nga annakmo nga agserbi,
Mangitandudo’t naganmo a nasudi,
Sirib, regta ken bilegmi dikam ipaidam,
Nam-ay, simbeng ti biag inkam
magun-odan.Refrain:
Tubao nga ilimi, ay-ayaten daka
Bagi ken dayaw mi iruknoy mi kenka
Iyik-kismi’t naganmo iti sadinno man,
Parabor ti Dios a nailangitan.
Province of La Union